Aktualitet

Rama e konsideroi marrëzi “Shqipërinë e Madhe”, Kurti: Synimet mbesin të njëjta, bashkimi kombëtar pjesë e programit tonë

21:53 - 12.06.21 Gazeta Shqiptare

Kryeministri i Kosovës, Albin Kurti në 16-vjetorin e krijimit të Lëvizjes Vetëvendosje ka konfirmuar se bashkimi kombëtar me Shqipërinë mbetet ende objektiv në programin e tij qeverisës.



Kjo deklaratë vjen vetëm një ditë pasi Rama për një media serbe e cilësoi idenë e Shqipërisë së Madhe si një ‘’marrëzi më vete’’.

Ndërkohë Kurti mendon ndryshe, duke theksuar se bashkimi kombëtar është më shumë se bashkim me Shqipërinë.

“Edhe në programin e LVV-së bashkimi kombëtar, që është më shumë se bashkim me Shqipërinë, shihet si intencë historike që nuk e përzgjedhim ne por ajo neve”.- thotë Kurti.

Më tej ai shton se qeveria po përdor gjithnjë e më shumë mekanizma e instrumente për ta realizuar qëllimin, duke u afruar me Shqipërinë dhe për të ndihmuar shqiptarët kudo në Ballkan.

“Alternativa jonë qeverisëse është po ajo edhe synimet tona vazhdojnë të mbeten të njëjta, mirëpo ne përdorim gjithnjë e më shumë mënyra, gjithnjë e më shumë mekanizma e instrumente për ta realizuar qëllimin e njëjtë, të bëjmë hapa drejt afrimit me Republikën e Shqipërisë dhe t’i ndihmojmë shqiptarët kudo që janë në Ballkan që të faktorizohen sa më shumë e sa më shpejt“, shtoi kryeministri i Kosovës.

 

 

 

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.