Kronikë

I bllokuar prej 4 ditësh në minierë, kryebashkiaku i Bulqizës: I shqetësuar pafundësisht për situatën rreth kërkimeve të minatorit

12:05 - 19.09.21 gsh

Kryebashkiaku i Bulqizës Lefter Alla ka folur sot në lidhje me minatorin e bllokuar prej katër ditësh në minierë, Muharrem Plaku, teksa nuk dihet ende asgjë për fatin e tij.Alla shpreh shqetësim për situatën rreth kërkimeve dhe thekson se çdo punë dhe angazhim është për të mirën e qytetarëve tanë, por jeta e secilit prej tyre, në qytet apo në fshat, kudo qoftë, vlen më shumë se gjithçka tjetër.



“I shqetësuar pafundësisht për situatën rreth kërkimeve të minatorit Muharrem Plaku.
Çdo punë dhe angazhim i yni është për të mirën e qytetarëve tanë, por jeta e secilit prej tyre, në qytet apo në fshat, kudo qoftë, vlen më shumë se gjithçka tjetër.
Lutem që ekipet e kërkimit të arrijnë sa më parë tek Muharremi dhe ta nxjerrin atë shëndoshë e mirë, ta bashkojnë me familjen e të afërmit e tij, dhe t’i japin fund shqetësimit dhe ankthit që ka pushtuar të gjithë bashkëqytetarët tanë, e jo vetëm”, shkruan Alla.

Që më 15 shtator minatori Muharrem Plaku ka mbetur i bllokuar në një nga galeritë e zonës D në Bulqizë. Incidenti erdhi pas një rënie të një masivi minerali.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.