Pak ditë më parë Elhaida Dani u rikthye fuqishëm duke publikuar albumin EP “Zanin” i cili u prit shumë mirë nga publiku, ndonëse mes tyre pati edhe komente që e krahasuan me Elvana Gjatën.
Disa prej komenteve ishin: “Stili i Elvana Gjatës,” “Imitim i Elvana Gjatës deri në detaje,” “Elvana Gjata mode on”.
Krahasimet i referohen albumit EP “Çelu” të Elvanës, i publikuar pak kohë më parë dhe i shoqëruar me klipe muzikore, ashtu si këngët në “Zanin”.
Në një intervistë për T7, Elhaida u shpreh se Elvana ishte e para që solli këtë stil të të bërit muzikë dhe hapi rrugën për artistët e tjerë prandaj e vlerëson shumë.
“Të them të drejtën, është e vërtetë që Elvana ka qenë e para që risolli muzikën shqiptare në këtë lloj stili, në këtë lloj mënyrë sa më moderne dhe e kam vlerësuar shumë, sepse duhej ta bënte dikush. Elvana e bëri aq mirë sa e riktheu në modë le të themi, kështu që i hapi hapësirë çdo artisti tjetër për ta bërë”, tha Elhaida, e cila po shijon suksesin e albumit.