Kryesore

Shfaqet premiera e filmit “007: No time do die” në Tiranë/ Nga diplomatët tek krerët e drejtësisë dhe artistë, shihni si u veshën. Veliaj dhe ambasadori britanik presin të ftuarit si James Bond

12:06 - 10.10.21 Gazeta Shqiptare

Ambasadorë, artistë, gazetarë, por jo vetëm. Drejtuesit e institucioneve më të rëndësishme të drejtësisë dhe ministra gjithashtu kanë marrë pjesë në premierën e filmit “007: S’ka kohë për të vdekur” që u mbajt mbrëmë në metropolin shqiptar që kishte si kusht certifikatën e vaksinimit kundër COVID-19. Filmi i fundit i Daniel Craig në rolin e James Bond, pati mbrëmë premierën e tij edhe në kryeqytetin shqiptar.



Në eventin e organizuar me detaje nga atmosfera e filmit më të famshëm britanik, Kreu i Bashkisë së Tiranës, Erion Veliaj dhe ambasadori i ri i Britanisë se Madhe në Shqipëri, Alastair King-Smith, ishin mikpritësit e të ftuarve VIP, të cilët u bënë pjesë të shfaqjes premierë, teksa ishin futur në kostumin e agjentit më të famshëm të të gjitha kohërave.

Ambasadorja e SHBA-ve Yuri Kim e pranishme gjithashtu me një fustan të zi dhe një shall të hedhur sipër. Kreu i SPAK Arben Kraja, kryeprokurori Olsi Çela, guvernatori i Bankës së Shqipërisë Gent Sejko, Drejtori i ri i Policisë së Shtetit Gledis Nano, ministri i Brendshëm Bledi Çuçi me bashkëshorten. Artistë, këngëtarë e personazhe të shumtë VIP shqiptarë u bënë pjesë e eventit.

Premiera-James-Bond-64 James-Bond-ceremoni-3 - Copy Premiera-James-Bond-73 - Copy Premiera-James-Bond-72 - Copy Premiera-James-Bond-71 - Copy Premiera-James-Bond-59 - Copy Premiera-James-Bond-60 - Copy Premiera-James-Bond-61 - Copy Premiera-James-Bond-65 - Copy Premiera-James-Bond-64 (1) - Copy Premiera-James-Bond-66 - Copy Premiera-James-Bond-67 - Copy Premiera-James-Bond-63 - Copy Premiera-James-Bond-62 - Copy Premiera-James-Bond-55 - Copy Premiera-James-Bond-54 - Copy Premiera-James-Bond-53 - Copy Premiera-James-Bond-47 - Copy Premiera-James-Bond-45 - Copy Premiera-James-Bond-46 - Copy Premiera-James-Bond-5 Premiera-James-Bond-4 Premiera-James-Bond-2 Premiera-James-Bond-3
<
>

Veliaj tha se me premierën e këtij filmi nis edhe një “sprint” marrëdhëniesh mes Shqipërisë dhe Britanisë së Madhe.

“Kemi kaluar një situatë shumë të vështirë me 2 tërmetet, me pandeminë, por tani është koha që të rihapemi, është koha të festojmë, të njohim miqtë, të fillojmë nga e para dhe është koha të ringrihemi. Me këtë aktivitet të parë, jo vetëm bëjmë prezantimin e ambasadorit të ri britanik në Tiranë, por fillojmë edhe një stinë aktivitetesh, që vetëm fillimin e ka te filmi i sotëm”, nënvizoi Veliaj.

Ai shtoi se vitin tjetër ku Tirana është “Kryeqyteti Europian i Rinisë”, do zhvillohen rreth 1 mijë aktivitete, shumë prej te cilave do te jenë në bashkëpunim me Britaninë e Madhe.

Ambasadori britanik në Tiranë, Alastair King-Smith tha se kjo premierë filmi, është vetëm fillimi i një bashkëpunimi të mëtejshëm mes Shqipërisë dhe Britanisë.

“Po e nisim me një nga filmat më të mirë që përfaqëson kulturën britanike, në mënyrë që të afrojmë sa më shumë Shqipërinë dhe Mbretërinë e Bashkuar. Kjo jo vetëm në rangun e qeverive, por gjithashtu edhe bashkimin e njerëzve. Ndaj, do të shohim mënyrat për të ndërtuar marrëdhënie të përbashkëta më të forta dhe më të ngushta mes dy vendeve”, pohoi Smith.

Të gjithë të ftuarit u paraqitën në event me certifikatën e vaksinimit të Covid 19.
Filmi i “James Bond” “No time to die” pati premierën e tij botërore në Londër, 18 muaj më vonë nga sa ishte planifikuar sepse u vonua nga pandemia. “No Time To Die” është dalja e pestë e aktorit britanik, Daniel Craig si 007.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.