Kosova

“Jemi rikthyer” Haradinaj numëron komunat e fituara: Rezultat historik

21:54 - 17.10.21 Gazeta Shqiptare

Kryetari i AAK-së (Aleancës për Akmërinë e Kosovës), Ramush Haradinaj u shpreh se Kosova sot ka kaluar edhe një provim të demokracisë duke mbajtur zgjedhje të lira dhe demokratike.



Ai tha se partia që drejton ka fituar në gjashtë komuna dhe shkon në balotazh në një komunë.

“AAK-ja në këto zgjedhje e ka shënuar rezultatin më të mirë. Të dhënat tona flasin se kemi fituar në gjashtë komuna – Gjakovë, Suharekë, Rahovec, Klinë, Deçan dhe Junik – dhe poashtu shkojmë në balotazh të paktën në një komunë – në Istog. Vërejmë rikthim dhe rritje të votës në disa komuna si Pejë, Prishtinë, Podujevë dhe komuna të tjera.

Është një fitore e pritshme për ne falë vlerave që ka Aleanca, punës së mirë të kryetarëve aktualë dhe programit të tyre qeverisës, po ashtu edhe falë punës së palodhshme të dhjetëra mijëra aktivistëve të Aleancës”, u shpreh Haradinaj.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.