Fitore në fushë ndaj Romës, humbje të lojtarit kryesor. Juventus është rikthyer, merr frymë më lehtësisht në rezultate, por ka ende një lajm jongushëllues, i cili vjen nga infermieria, ku vazhdon të qëndrojë Paulo Dybala.
Ai duhet të ishte rikuperuar para Morata, por në fund, spanjolli u kthye në fushë kundër Romës, ndërsa për “Joya” koha e rikuperimit zgjati pak më shumë, çuditërisht. Argjentinasi ende po lufton me tendosjen muskulare që e ndaloi atë pas golit ndaj Sampdoria.
Mendohej se mund të ishte në dispozicion pas kualifikueseve të ekipeve kombëtare në tetor, por në vend të kësaj i duhet akoma kohë për të qenë gati. Me siguri, ai do të humbasë ndeshjen e Ligës së Kampionëve kundër Zenit dhe derbin e Italisë me Interin.
Lajm jo i mirë për Allegrin, i cili do të duhet të bëjë pa numrin e tij 10 në një javë shumë të rëndësishme. Ka shumë të ngjarë që argjentinasi të mos jetë as kundër Sassuolos. Pritshmëritë për ta parë sërish në fushën e lojës lidhen me 30 tetorin, kundër Veronas.
