AKTUALITET

Policia kap dy shqiptarët në Itali me kokainë dhe hashash, ja si tentuan të shpëtonin

10:50 - 21.10.21 gsh
GSH APP Download on Apple Store Get it on Google Play

Dy burra shqiptarë të moshës 35 dhe 28 vjeç janë arrestuar dje nga policia e Padovës në përfundim të një operacioni që çoi në sekuestrimin e mbi 20 kilogramëve drogë. Agjentët i vunë re në rrugën “Configliachi”, jo shumë larg “Prato della Valle” teksa ishin në një makinë dhe njëri prej tyre hyri në një ndërtesë dhe u largua pak më vonë me një qese të rëndë.




Pasi u larguan me automjet, ata u ndaluan jo shumë larg nga policia. Shoferi tentoi madje të arratisej në këmbë duke u futur fshehurazi në një pallat, por të dy u bllokuan dhe u dërguan në komisariat.

Në makinë u zbulua një ndarje e veçantë e vendosur në vend të airbagut në anën e pasagjerit, ku kishte gjysmë kilogram marijuanë. Gjithashtu u kontrollua dhe apartamenti nga i cili u pa të dilte njëri prej tyre, dhe u sekuestruan 5.5 kilogram kokainë, e njëjta sasi marijuane dhe gati 10 kilogram hashash së bashku me një revolver. Dy shqiptarët u arrestuan dhe u dërguan në burg.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.