Kronikë

Vdekja e 4 turistëve rusë, menaxherja e hotelit në Qerret: Para pak orësh kontrollova SPA-në, çdo gjë ishte brenda normave

22:05 - 01.12.21 gsh
GSH APP Download on Apple Store Get it on Google Play

Emisioni ‘Në shënjestër’ në ‘News24’ zbardh një tjetër dëshmi në lidhje me vdekjen misterioze të 4 turistëve rusë, të cilët u gjetën të pajetë në hotelin luksoz në Qerret të Kavajës.




Menaxherja e ‘Gloria Palace’, Xhuliana Pole pohoi se rreth orës 16:30, të datës 15 tetor kishte bërë një kontroll në ambientet e pishinës së hotelit. Mes të tjerash ajo tha se gjithçka ishte në rregull.

“Unë rreth orës 16.30, të datës 15 tetor, kam qenë e shoqëruar nga përgjegjësi i sallës dhe kemi bërë një kontroll të ambienteve të pishinës. Ku kemi kontrolluar temperaturën e ambientit e cila ishte 28 gradë bazuar në pajisjet treguese të kondicionerëve. Higjienën dhe temperaturën e ujit të pishinës të cilët e kam prekur me duar dhe më është duhur mesatarisht i ngrohtë.

Dua të them se bazuar në gjërat që kontrollova në SPA çdo gjë ishte brenda normave. Këta shtetas janë futur në ambientet e SPA rreth orës 20:30. Vajza e recepsionit ka shkuar për të qëndruar dhe për t’u afruar ndihmë se mos u nevojitej ndonjë send. Klientët i janë përgjigjur se janë mirë dhe nuk kanë nevojë për asgjë dhe duan të qëndrojnë në privatësinë e tyre. Pas rreth 30 minutash vajza e recepsionit ka shkuar përsëri me sanitaren për t’i pyetur nëse u duhej ndonjë gjë, dhe në këtë moment i kanë gjetur turistët pa ndjenja në ambientet e pishinës.”, tha ajo.

 


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.