Bota

COVID-19, Italia do të nisë vaksinimin e fëmijëve 5-11 vjeç

14:45 - 02.12.21 Gazeta Shqiptare

Italia do të nisë vaksinimin e fëmijëve të moshës pesë deri në 11 vjeç për COVID-19 këtë muaj pasi agjencia italiane e barnave tha qartë se vaksina e Pfizer mund të përdoret në këtë grupmoshë.



Kështu, fëmijët më të vegjël do të kenë një të tretën e dozës që marrin të rriturit, shkruajnë mediat italiane, përcjell Telegrafi.

Dhe ata do të marrin dy doza të tilla, tre javë larg njëra-tjetrës.

AIFA, e cila dha dritën jeshile pasi Agjencia Evropiane e Barnave (EMA) miratoi vaksinën kundër COVID-19 për këtë grupmoshë, tha se vaksina “tregon një nivel të lartë efektiviteti dhe asnjë sinjal alarmi për sa i përket sigurisë nuk është theksuar për momentin”.

Nënsekretari i Shëndetësisë, Andrea Costa ka thënë se qëllimi ishte që të fillonin vaksinimin e fëmijëve 5 deri në 11 vjeç për COVID-19 përpara Krishtlindjeve.

Patrizia Popoli, kryetarja e komitetit tekniko-shkencor të AIFA-s, hodhi poshtë fjalët se nuk ka të dhëna të mjaftueshme për të aprovuar vaksinën kundër COVID për këta fëmijë.

“Të dhënat që kemi për vaksinën kundër COVID-19 janë të mjaftueshme që ajo të shtrihet edhe tek fëmijët”, tha Popoli për Radio Anch’io.

“Ne kemi një studim mbi 3000 fëmijë me doza më të vogla, një e treta e dozës së vaksinës, dhe ajo qëndron efektive – pa efekte shqetësuese anësore, vetëm reagime lokale, pak temperaturë dhe dhimbje koke”.

 

 

 

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.