Rriten infektimet me COVID-19 në Greqi , identifikohen mbi 27 mijë raste të reja dhe 85 viktima në 24 orët e fundit

Në Greqi kanë rezultuar pozitivë me koronavirus 27, 766 persona.

Numri i përgjithshëm i rasteve ka arritur në 1,535, 382 raste, prej të cilëve 49,9% janë meshkuj.

Sipas Ministrisë së Shëndetësisë 85 pacientë kanë humbur jetën, ndërsa që nga fillimi i pandemisë gjithsej janë regjistruar 21, 479 vdekje.

Ndërkohë numri i pacientëve në intubim ka arritur në  654, mosha mesatare e të cilëve është 64 vjeç. Mjekët bëjnë apel që qytetarët të vaksinohen për të parandaluar përhapjen  e varianteve të reja të koronavirusit.