Një 64-vjeçare është gjetur gjysmë e zhveshur dhe e hedhur në një kanal në Kuçovë. Bëhet fjalë për Fatime Suli, e cila ishte e mbuluar me gjethe. Në lidhje me këtë ngjarjeje është arrestuar fqinji i saj Fetah Marra, 58 vjeç, i cili është marrë në pyetje nga Policia. Mësohet se ngjarja e rëndë ka ndodhur mbgrëmjen e së enjtes në fshatin Kozarë të Kuçovës. Familjarët kishin njoftuar policinë për humbjen e 63-vjeçares. Dyshohet se gruaja vuante nga probleme të shëndetit mendor. Trupi i pajetë i të moshuarës është dërguar në morgun e Spitalit të Beratit. Nga rezultatet e autopsisë rezulton se shkaku i vdekjes ishte mbytja me duar. Pas kryerjes së veprimeve paraprake hetimore, dyshohet se një shumë parash e dhënë borxh mund të ketë qenë shkaku i vrasjes makabre të 64-vjeçares Suli nga duart e ‘borxhliut’ të saj, Fetah Narra.
Mësohet se e moshuara nuk u kthye në banesë si zakonisht, gjë që alarmoi familjarët, të cilët pas disa kërkimeve të tyre lajmëruan policinë. Kjo ka bërë që efektivët të vihen të kërkim të gruas, të cilën e kanë gjetur 1 orë pas nisjes së kërkimeve të hedhur në një kanal, të zhveshur nga mesi e poshtë dhe e mbuluar me gjethe në lagjen “Havaleas”, vetëm 1 km larg banesës së saj.
Nga kamerat e sigurisë u bë e mundur zbulimi i autorit të ngjarjes, Fetah Narra, 58 vjeç, i cili ishte komshi me 64-vje çaren. Dyshimet e para janë që gruaja të jetë mbytur me duar, ndërsa shkak të disa parave borxh që 58-vjeçari i kishte Sulit.
Fetah Narra ndodhet në polici, ku po jep dëshminë e tij për të zbuluar më shumë detaje mbi ngjarjen e rëndë.
