AKTUALITET

Gazeta greke “Kathimerini” analizon çështjen Beleri: Gjykata e Posaçme e Apelit në Tiranë rrëzoi kërkesën për lirim, ja nenet që janë shkelur

19:50 - 18.09.23 E.D
GSH APP Download on Apple Store Get it on Google Play

Media greke “Kathimerini” i ka kushtuar një shkrim, vendimit të Gjykatës së Posaçme të Apelit në Tiranë, që la në burg, Fredi Belerin, kryetarin e zgjedhur të bashkisë së Himarës.




Shkrimi i ‘Ekathemirini’

Gjykata e Posaçme e Apelit në Tiranë, ka rrëzuar edhe një herë kërkesat për lirimin nga burgu të Fredi Belerit dhe të drejtën e tij për të ushtruar detyrën e kryetarit të bashkisë.

Beleri është arrestuar që prej muajit maj për blerje të dyshuar votash, pasi u zgjodh kryetar i qytetit të Himarës në Shqipëri me shumicë etnike greke.

Pas shpalljes së vendimit të hënën, presidenti i Avokatëve Evropianë pa Kufij, Patrick Henry dhe kryetari i Plenares së Dhomave të Avokatëve të Greqisë, Dimitris Vervesos mbajtën një konferencë për shtyp.

Patrick Henry vuri në dukje se me vendimin për mohimin e lirimit të Belerit, gjykatat shqiptare shkelën nenet 5 dhe 10 të Konventës Evropiane për të Drejtat e Njeriut.

Ai shtoi se nuk ka motive që Fredi Beleri të largohet nga vendi, ndërsa në të njëjtën kohë mund të merren masa të sigurta për të parandaluar arratisjen e tij.

Ai e konsideroi burgun në disproporcion me krimin e Belerit, pasi ka mbi 30 persona të akuzuar për vepra elektorale që nuk mbahen në paraburgim.

Dimitris Vervesos iu referua shkeljes së nenit 3 të Konventës Evropiane për të Drejtat e Njeriut, i cili e konsideron të paligjshme pengimin e një zyrtari në kryerjen e detyrës në mungesë të një vendimi gjyqësor të formës së prerë dhe të parevokueshme.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.