Biznesmeni amerikan Elon Musk është ende njeriu më i pasur në botë dhe vlera e pasurisë së tij vlerësohet në 232 miliardë dollarë.
Sipas listës së sotme të miliarderëve të Bloomberg, pasuria e Musk u rrit me 95 miliardë dollarë brenda një viti.
Në vendin e dytë është CEO i LVMH, Bernard Arnault me një pasuri prej 167 miliardë dollarësh.
Shefi i Amazon, Jeff Bezos, është në vendin e tretë me 151 miliardë dollarë, i ndjekur nga themeluesi i Microsoft, Bill Gates me 124 miliardë dollarë dhe CEO i Oracle, Larry Ellison me 121 miliardë dollarë, sipas faqes së internetit të Bloomberg.
Në vendin e gjashtë është bashkëthemeluesi i Google, Larry Page me 118 miliardë dollarë dhe vetëm një hap pas tij është investitori Warren Buffett me një pasuri prej 117 miliardë dollarësh.
Bashkëthemeluesi tjetër i Google, Sergey Brin, është në vendin e tetë me 112 miliardë dollarë dhe ish-CEO i Microsoft, Steve Ballmer, është në vendin e nëntë me 110 miliardë dollarë.
Listën e 10 më të pasurve e mbyll pronari i kompanisë Meta Mark Zuckerberg me pasuri prej 109 miliardë dollarësh.
