Kryesore

“Dyfishimi i akcizës për birrën vendase po godet prodhimin shqiptar!”- Teliti: Në 60% të tregut janë produkte të huaja! Qeveria po favorizon “miqtë importues”

19:55 - 18.05.24 gsh
GSH APP Download on Apple Store Get it on Google Play

Anëtari i Këshillit Bashkiak, Dorian Teliti, me anë të një reagimi në rrjetet sociale ka reguar ashpër lidhur me rritjen e akcizës për birrën vendase, duke theksuar se godet prodhimin shqiptar.




Teliti shprehet se prej 1 janarit 2023 akciza për birrën shqiptare u dyfishua, duke u trajtuar tashmë njësoj me birrat e importit, ndërsa thekson se që nga ai moment, disa subjekte shqiptare po falimentojnë.

Ndër të tjera ai shkruan se tashmë 60% e tregut dhe shitjeve janë prodhim importi, me trend që vazhdon e rritet muaj pas muaji.

‘Mjaft me këto politika klienteliste, mjaft u godit sipërmarrja shqiptare’, shprehet ai.

Më tej ai i ka bërë thirrje Gjykatës Kushtetuese të pranojë kërkesën e Shoqatës së Prodhuesve dhe Tregtuesve të Pijeve Alkolike Vendase, duke shfuqizuar dyfishimin e akcizës mbi birrën shqiptare.

Reagimi i plotë:

Për kujtesë: Pas shumë kundështish dhe paralajmërimesh, pas hedhjes poshtë të amendamentit tonë në nëntor 2022 për mos-rritjen e akcizës së birrës prodhim vendas, pas insistimit dhe forcës së kartonit të dhunshëm qeveritar, që prej 1 janarit 2023 akciza për birrën shqiptare u dyfishua, duke u trajtuar tashmë njësoj me birrat e importit.

Fakt 1: Që nga ai moment, disa subjekte shqiptare falimentojnë, fillon rënia e prodhimit dhe shitjes së birrës vendase, ndërkohë që rritet ndjeshëm importi i birrave prodhim i huaj.

Fakt 2: Ndërkohë që deri 1 janar 2023 tregu dhe shitjet dominoheshin nga prodhimi vendas shqiptar, tashmë 60% e tregut dhe shitjeve janë prodhim importi, me trend që vazhdon e rritet muaj pas muaji.

❌Përfundimi i hidhur: qeveria për të disatën herë, njësoj si me produktet bujqësore e blegtorale, ndërmorri politika “anti-produkt shqiptar”, duke e goditur prodhimin vendas e duke favorizuar disa “miq importues”.

Mjaft me këto politika klienteliste, mjaft u godit sipërmarrja shqiptare.

Gjykata Kushtetuese të pranojë kërkesën e drejtë të Shoqatës së Prodhuesve dhe Tregtuesve të Pijeve Alkolike Vendase, duke shfuqizuar dyfishimin e akcizës Rama mbi birrën shqiptare.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.