![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Qeveria e Republikës së Shqipërisë dhe ajo e Republikës së Maqedonisë po zhvillojnë sot takimin e parë të përbashkët ndërqeveritar në Pogradec. Kryeministri Rama e hapi fjalën e tij në këtë takim, duke i uruar mirëseardhjen dhe gjithashtu ofroi miqësi siç dhe ka ndodhur derimë tani.
“Ju urojmë mirëseardhjen këtu në Pogradec kur përgjithësisht njerëzit e këtij vendi e lidhin gjithmonë këtë qytet të mrekullueshëm me një nga bijtë më të dashur dhe një nga poetët më të mëdhenj shqiptarë dhe europianë, Lasgush Poradecin. Pjesa më e madhe e vargut të tij magjik i kujtohet këtij liqeni, kësaj pasurie të përbashkët. Kjo simbolikë e liqenit ngushton lidhjet mes dy vendeve. Besoj se ajo i përshtatet më së miri dhe qëllimit të kësaj mbledhjeje të parë të dy qeverive, që jemi shpresëplotë se çel një kapitull të ri në marrëdhëniet e fqinjësisë sonë të mirë, ndërthurur me interesa të përbashkëta, gjeografike, historike, kulturore dhe jo në plan të fundit gjeopolitike dhe strategjike. Shqipëria do të jetë gjithnjë mikja më e mirë e Maqedonisë që prej pavarësisë së saj, çka qeveritë e Shqipërisë e kanë treguar në mënyrë të palëkundur”, deklaroi Rama.
Por një tjetër episod i pakëndshëm ka ndodhur ne Pogradec ne momentin kur kryeministrit Edi Rama ka pritur homologun e maqedonas Zoran Zaev, jashtë ndërtesës po protestohej nga një grup qytetarësh me pankarda në duar, në të cilën shkruhej “Qeveri e drogës”, “Jepi fonde Pogradecit” dhe me foto të Klemend Balilit, Moisi Habilajt dhe Saimir Tahirit të cilat shoqëroheshin me mbishkrimin “Policia që duam”, bënin thirrje kundër qeverisë.
I pranishëm mes protestuesve ishte edhe deputeti i PD, Klevis Balliu. Ai tha se jemi këtu për të denoncuar padrejtësitë e kësaj qeverie.
15:02
Kryeministri i Shqipërisë, Edi Rama ka pritur pak minuta më parë në një ceremoni zyrtare në Pogradec, homologun maqedonas, Zoran Zaev. Ndërkaq, ka nisur mbledhja e përbashkët e qeverisë midis Shqipërisë dhe Maqedonisë, mbledhje kjo e bërë e ditur dhe më parë.
Në këtë mbledhje do të bisedohet për shumë tema dhe në përparimin e bashkëpunimit bilateral në sferën e infrastrukturës dhe ndërtimit të Koridorit 8.
Ndërkohë që në orën 16:30 është parashikuar konferenca e përbashkët për shtyp midis Ramës dhe homologut të tij maqedonas, Zaev.