Ministri i Sportit i Francës ka thënë se tifozët pa bileta shkaktuan probleme fillestare të turmës në finalen e Ligës së Kampionëve në Paris, pavarësisht kritikave të forta për trajtimin e ngjarjes nga policia të shtunën.
Amélie Oudéa-Castéra fajësoi një “mbledhje masive” të mbështetësve me “bileta false” për kaosin në stadium. Ajo tha gjithashtu se të rinjtë vendas që përpiqeshin të hynin me forcë, i përkeqësuan gjërat.
Nga ana tjetër, Sekretari i Kulturës i Mbretërisë së Bashkuar e përshkroi përgjigjen e policisë si “tepër shqetësuese” dhe ka kërkuar një hetim.
I came across this issue repeatedly as I tried to access the stadium last night. Locals trying to force their way in leading to security closing the gates and keeping out legitimate fans with tickets. Police either didn’t know how to deal with it or didn’t want to #LFC #UCLfinal pic.twitter.com/JZyexADoMa
— Nick Parrott (@NickParrottTV) May 29, 2022
Policia franceze është kritikuar për përdorimin e sprejit djegës dhe gazit lotsjellës në drejtim të disa tifozëve të Liverpool-it teksa prisnin të hynin në stadium të shtunën në mbrëmje.
Policia është akuzuar gjithashtu për çorganizim në trajtimin e turmave të mëdha të njerëzve që përpiqeshin të hynin në “Stade de France”.
Finalja u vonua me 35 minuta për shkak të telasheve jashtë stadiumit, me Liverpoolin që humbi ndeshjen kundër Real Madridit të Spanjës 1-0.
Komentet e zonjës Oudéa-Castéra erdhën përpara një takimi të hënën me ministrinë franceze të sportit, organin qeverisës të futbollit evropian, UEFA, Federatën Franceze të Futbollit, zyrtarët e stadiumit dhe policinë për të “nxjerrë mësime” nga ngjarja.
Finalja e Champions League u trajtua në mënyrë të turpshme, thonë tifozët e Liverpool-it
“Ajo që ndodhi, para së gjithash, ishte ky grumbullim masiv i mbështetësve britanikë të klubit të Liverpool-it, pa bileta, ose me bileta false”, tha zonja Oudéa-Castéra për radion franceze RTL.
Por ajo tha se më shumë vendas u përpoqën të hynin me forcë përmes dyerve të Stade de France, ku u mbajt ndeshja.
“Një numër i caktuar të rinjsh nga zona e afërt që ishin të pranishëm u përpoqën të futeshin duke u përzier me turmën,” tha ministrja.
Ajo shprehu gjithashtu keqardhjen që familjet dhe fëmijët u ndikuan nga përdorimi i gazit lotsjellës.
Ministrja franceze tha se nuk kishte “asnjë problem” në lidhje me tifozët e Realit dhe pala spanjolle i kishte kontrolluar tifozët e tyre udhëtues më mirë se Liverpooli.
UEFA fillimisht fajësoi “ardhjen me vonesë” të tifozëve për problemet!
Policia e Merseyside, e cila është përgjegjëse për policinë në Liverpool dhe ishte e pranishme në Paris, tha se shumica dërrmuese e tifozëve të Liverpool-it mbërritën herët dhe u sollën në një “mënyrë shembullore”.
Pamjet televizive të së shtunës treguan të rinjtë që nuk dukeshin të veshur me këmisha të kuqe të Liverpool-it duke kërcyer nga portat e stadiumit dhe më pas duke ia mbathur nga efektivët e sigurimit.
Tifozët e Liverpool folën për radhët e gjata të krijuara disa orë para fillimit të ndeshjes.
Tom Whitehurst tha se duhej të largonte djalin e tij me aftësi të kufizuara “nga rruga” pasi u spërkatën me piper.
“Trajtimi i tifozëve nga UEFA dhe policia ishte një turp absolut”, tha ai. “[Tifozët] u spërkatën pa dallim dhe kishte njerëz me bileta, të cilët mbërritën dy orë e gjysmë më herët, që ishin në radhë dhe u sulmuan nga policia e trazirave me mburoja.”
Gazetari sportiv i BBC-së, Nick Parrott, i cili ishte në Paris, tha se “ishte përvoja më e tmerrshme që kam pasur ndonjëherë në një ndeshje futbolli”. Ai shkroi në Twitter se vendasit “po përpiqeshin të çanin rrugën për të çuar në mbylljen e portave të sigurisë dhe duke mbajtur jashtë tifozëve legjitimë me bileta”.
Ndërkohë, lojtari i Liverpool-it, Andy Robertson, tha se organizimi i finales ishte një “shkatërrim”, duke shtuar se ai i kishte dhënë një biletë origjinale një miku të cilit i ishte thënë se ishte false dhe iu mohua hyrja në lojë.
Legjenda e Liverpool-it, Alan Kennedy, i cili shënoi golin e fitores kur ekipi i tij mundi Real Madridin për të fituar finalen e Kupës Evropiane të vitit 1981 në Paris, pati gjithashtu një përvojë shqetësuese jashtë Stade de France. 67-vjeçari u ndihmua të hipte mbi një gardh sigurie nga mbështetësit për t’i shpëtuar turmës.
Kryebashkiakja e Liverpool-it, Joanne Anderson, e cila mori pjesë në finale, i përshkroi veprimet e policisë franceze si “absolutisht të neveritshme”.
Duke folur në BBC Breakfast, zonja Anderson tha: “Kur loja u vonua dhe pashë se shumë vende në Liverpool ishin bosh – kështu që duke ditur që njerëzit me bileta nuk kishin mundur të hynin, shkova të ecja në terren për të parë cfare po ndodhte.
“I pashë të gjithë tifozët e Liverpool-it të bllokuar së bashku, duke u bërtitur zyrtarëve, ose duke u bërtitur stjuardëve, dhe më pas policia e trazirave sapo erdhi dhe i spërkati me piper”, shtoi ajo.
Skenat kaotike janë kthyer në një siklet politik në Francë, e cila do të presë Kupën e Botës në Rugby 2023 dhe Lojërat Olimpike 2024.
