Këngëtarja Elhaida Dani ka performuar mbrëmjen e 28 majit rolin e Esmeraldës, tek ‘Notre dame de Paris’ muzikali francez që u shfaq në skenën e stadiumit “Air Albania”, nga trupa ndërkombëtare.
E pas mbarimit të muzikalit francez, artisten e ka pritur në prapaskenë mbështetja e tij më e madhe, i cili është partneri i saj Lediani. Balerini zgjodhi ta tregojë sesa krenar është për Elhaidën nëpërmjet një postimi në Instagram, ku ka publikuar foton romantike duke u puthur.
“Me Esmeraldën”- shkruan ai.
Kujtojmë se dyshja e nisën romancën e tyre gjatë spektaklit “Dancing With the Stars”, ku ata ishin një nga çiftet konkurrente.
Pasi u shfaqën bashkë me pushime dhe më pas qëndruan në Itali për disa javë, aty ku këngëtarja jeton, çifti më pas nuk u panë më nën shoqërinë e njëri-tjetrit.
E kjo gjë bëri që në rrjet të aludohej për një krizë në marrëdhënien e tyre. Madje disa ditë më parë këngëtarja u pyet gjatë një interviste nëse është takuar me Ledianin dhe ajo u përgjigj se për shkak të angazhimeve të shumta që ka pasur kohëve të fundit ata nuk kanë mundur të qëndrojnë shumë bashkë.
Por të gjitha spekulimet u hodhën poshtë që pas mbrëmjes së muzikalit dhe çifti duket se po e shijojnë romancën e tyre në dhe duken më të lumtur se kurrë.
