![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Kryeministrja italiane Giorgia Meloni është bërë kryefjala e influencuesve të internetit pas pamjeve të takimit të saj me Presidentin Francez, Emmanuel Macron.
Meloni ishte duke përshëndetur personalitetet ndërkombëtare, si mikpritëse e samitit të G7 që po mbahet në Itali.
Edhe pse me një pamje formale, sapo Macron kalon para saj e dy zyrtarët shtrëngojnë duart, dukshëm Meloni ndryshon sjellje.
Kreu i shtetit italian pas këtij momenti shfaqet e buzëqeshur por plot emocione, gjë që influencuesit në internet e kanë lexuar këtë sjellje të saj si “ndjenjë dashurie”.
Por përpos këtyre çasteve, dy liderët u përplasën për çështjen e abortit.
Dje të enjten, presidenti francez Emmanuel Macron tha se “i vjen keq që fjala mungon në tekst” dhe shtoi se “ka ndjeshmëri të ndryshme”.
Kryeministrja italiane nga ana e saj u përgjigj menjëherë, duke nënvizuar se “nuk ka asnjë arsye për të shkuar në luftë për çështjet për të cilat është arritur një marrëveshje prej kohësh”.
“Më duket krejtësisht e gabuar, në kohë të vështira si këto, që disa të bëjnë fushatë duke përdorur një forum të vlefshëm si G7”, shtoi Meloni.