Kreu i Grupit Parlamentar të Partisë Demokratike, Gazment Bardhi, zhvilloi një takim me qytetarët e kryeqytetit të zonës Pazari i Ri, Njësia 2 Tiranë, për të diskutuar rreth problemeve e shqetësimeve të banorëve dhe biznesmenëve. Së bashku me Bardhin ishte dhe Sekretari i Përgjithshëm i PD-së, Flamur Noka, anëtarët e Kryesisë dhe strukturat drejtuese të degës.
Përmes një postimi në Facebook, kreu i Grupit të PD-së u shpreh se ekonomia është dështimi më i madh i qeverisë aktuale, e se qëndron si arsyeja më kryesore për t’iu bashkuar protestës kombëtare të thirrur nga opozita më 11 korrik përballë Kryeministrisë, në orën 20:00.
Bardhi shkruan se përmes këtij takimi u kuptua nga afër padurimi i qytetarëve për të qenë sipas tij pjesë e projekteve që do sjellin ndryshimin e gjendjes në vend dhe garantimin e një ekonomie të mirëqenë.
Demokrati e përmbyll duke shkruar se vendi ynë renditet e para në kontintet për numrin e popullatës në pasiguri në ushqim, e krahasueshme me disa shtete në Afrikë.
Postimi i plotë:
