Edhe pse dy protagonistët e duelit të 26 gushtit, Conor McGregor dhe Floyd Mayweather, kanë deklaruar ditët e fundit se mes tyre nuk do të ketë një revansh, babai i boksierit amerikan ka pohuar sot gjithçka mund të ndodhë.
Përmes një deklarate të bërë publike sot, Floyd Mayweather, babai i boksierit, i ka “hedhur benzinë zjarrit”, duke deklaruar se djali i tij e ka fiksim një duel në kafaz.
“Floyd është i ri, ka ende shumë vite përpara dhe e di që ai e mendon shpesh një sfidë të tillë, që mund t’i japë shumë parà. Unë dua që ai t’i ketë të gjithë paratë e botës, por ajo sfidë në kafaz mund t’i japë edhe më shumë famë, shumë të tjera të ardhura”, u shpreh babai i boksierit Floyd Mayëeather, duke deklaruar se gjithçka mund të ndodhë në të ardhmen mes dy sportistëve.
