Ajo njihej nga miqtë si fantastikja Grace. Gjatë jetës së saj pa të ndërrohen 26 kryeministra, 5 monarkë si dhe jetoi dy luftra botërore.
Bëhet fjalë për Grace Jones, gruan që deri dje njihej si njeriu më i vjetër në Britaninë e madhe. Fantastikja Garce ka ndërruar jetë në moshën 112-vjeçare.
Ajo lindi në Liverpul më 17 shtator të vitit 1906, 5 vite pas vdekjes së Mbretëreshës Viktoria. E bija ka deklaruar se Garce ishte mirë deri në orët e fundit të jetës së saj. Familja ndihet e dëshpëruar sepse kanë humbur të zonjën e shtëpisë.
Garce kaloi një jetë të gjallë e të lumtur, ndërsa prej vitit 2005 ka jetuar në një azil duke marrë vëmendjen e mediave britanike sa herë që kishte ditëlindjen.
Në një nga reflektimet e saj të mëparshme ajo rrëfeu kujtimin më të bukur të jetës: “Ishte pikërisht momenti kur u martova me tim shoq. Ishte zotëri i vërtetë, ishim gjithë kohën bashkë dhe e donim shumë njëri-tjetrin”, pati deklaruar Grace.
E dini cili ishte sekreti i Grace për jetëgjatësinë?
Çdo natë pinte uiski dhe ujë. “E nisa këtë zakon që në moshën 50-vjeçare dhe nuk e ndala më. Mjeku më tha: “Garce, vijo të pish uiski, të bën mirë për zemrën”.”