![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Gazetarët dhe aktivistë të shoqërisë civile u mblodhën pasditen e sotme në një protestë simbolike në sheshin “Nënë Tereza” kundër mosndëshkimit të shoferëve që shkelin rregullat e qarkullimit rrugor.
Duke marrë shkas nga aksidenti i frikshëm i ndodhur një ditë më parë në Tiranë ata shpalosën pankarta me mesazhe të forta për jetën.
“Karroca e jetës! Vizat e bardha në asfalt nuk janë drogë, janë për të kaluar këmbësorët”, kështu thuhet në një prej mesazheve që gazetarët mbanin në duar.
Vëmendjen e mori edhe një pankartë që mbahej në duar nga një fëmijë që bën apel për uljen e shpejtësisë gjatë drejtimit të automjetit.
Protesta vjen një ditë pas aksidentit të ndodhur në Tiranë ku Ajas Sulejmani, i cili drejtonte automjetin nën efektin e lëndëve narkotike, u fut me semafor të kuq duke përplasur te vijat e bardha një çift bashkëshortësh me fëmijën e tyre tre muajsh.