Pak orë na ndajnë nga çastet e finales së madhe në stadiumin Air Albania.
Me mbërritjen e tifozëve, duket se kryeqyteti është kthyer në zonën e haresë dhe gëzimit.
Por mes gjithë kësaj panorame festive, tifozët ende kryejnë gjestet e tyre të kthyera tashmë në ‘modën e revoltës’ ndaj skuadrës kundërshtare. Duke marrë parasysh historikun e tyre të dhunshëm, dy ekipet italiane dhe holandeze të cilët ndodhen në Tiranë kanë zgjedhur të urinojnë, duke nënkuptuar kështu një përulje të kundërshtarëve në fushë.
Një gjest ky i përsëritur.
Por përpos urinimit në shenjë revolte, sheshi Skënderbej duke iu referuar fotove të siguruara nga Gazeta Shqiptare është mbushur plot me plehra.
Ndotje, elektrizim në kulm e gjysmë lakuriq, mesa duket, tifozët e huaj kanë gjetur ‘parajsën’ ku mund të sillen si të duan!
