Roma dhe Fejnordi luajnë finalen e madhe të Ligës së Konferencës, me të dyja skuadrat që do të kërkojnë të ngrenë trofeun më të ri në Europë në qiellin e Tiranës.
Verdhekuqtë kërkojnë që të ngrenë trofeun e dytë europian në historinë e tyre, pas plot 61 vitesh, kur në 1961 mundi Interin në finalen e Kupës UEFA, siç njihet sot Liga e Europës. Nën drejtimin e teknikut portugez, Zhoze Murinjo, Roma do të kërkojë lavdinë dhe të bëhet e para skuadër që ngre këtë trofe.
Duket se në 11 lojtarët e përzgjedhur që ta nisin këtë finale, mbrojtësi i Kombëtares shqiptare, Marash Kumbulla, do ta nis nga stoli.
Nga ana tjetër, holandezët do të kërkojnë të njëjtën gjë. hera e fundit qe Fejnordi ka ngritur në qiell një trofe europian ishte në vitin 2002, ku në finale e Kupës UEFA mundën Borusian e Dortmundit, duke qenë dhe skuadra e fundit nga Holanda që ka triumfuar në Europë.
LIVE: ROMA-FEJNORD 1-0
Zaniolo 32′
KOMENTI LIVE:
32′ GOOOOOL ROMA 1-0/ Shpërthen festa te italianët, Nikolo Zaniolo gjen golin e avantazhit!
31′ Zanioli zihet në pozicion të parregullt. Talenti italian shërbehet nga e majta dhe nis një aksion të rrezikshëm, por ndalet nga asistenti.
29′ Aksion i shpejt dhe i rrezikshëm i Fejnordit nga e majta me futbollistin Desers, tentativa e tij devijohet nga futbollistët e Romës dhe shkon drejt e në duart e portierit Rui Patrisio.
26′ Roma shfaqet rrezikshëm në këto minuta, duke vendosur në vështirësi mbrojtjen e skuadrës holandeze.
25′ Qendërmbrojtësi i Fejnord Trauner është i ndëshkuari i parë i sfidës, për faull taktik ndaj sulmuesi Abraham.
24′ Roma kërkon të ndërtojë një aksion të rrezikshëm me Pelegrinin që servir një top për Zaniolon, por mungon saktësia, teksa sfera kontrollohet nga portieri Bilov.
20′ Holandezët më të qartë në qarkullimin e topit, por ende asnjë rast i rrezikshëm në portat respektive. Skuadra e Fejnord duket më e freskët në fushën e lojës. Roma mbrohet me shumë forca dhe has vështirësi në daljen përpara.
17′ Zëvendësim i detyruar te Roma, largohet nga fusha i dëmtuar, Mkitarjan, vendin e tij e merr Serxhio Olivera.
13′ Në “Air Albania” po mbizotëron frika, ende asnjë rast i rrezikshëm në portat respektive.
6′ Fejnordi e ka rritur ndjeshëm lojën, duke vënë në vështirësi Romën, që është duke vuajtur në këto minuta të para.
2′ Start i kënaqëshëm në këto minuta me të dyja skuadrat që kërkojnë të marrin frenat e lojës. Italianët duke më kërkues, holandezët e përqëndorojnë kojë nga krahët.
1′ Mbrëmje historike në Tiranë, starton finalja e parë e Ligës së Konferencës.
FORMACIONET ZYRTARE:
ROMA: Rui Patrisio, Karsdorp, Mançini, Smolling, Ibanjez, Zalevski, Zaniolo, Pelegrini, Kristante, Mkitarjan, Abraham.
Trajner: Zhoze Murinjo
FEJNORD: Bilov, Gertruida, Trauner, Senesi, Malakia, Kokçy, Aursenes, Til, Sinistera, Nelson, Desers.
Trajner: Arne Slot
Gjyqtarë: Istvan Kovaç (Kryesorë), Vasil Florian Marinesku (Asistentë), Ovidiu Artene (Asistentë), Sandro Sharer (I Katërt), Marko Fritz (VAR).
PANORAMASPORT.AL
