![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një ngjarje e rëndë ka ndodhur sot në Greqi, teksa një avion që kishte shkuar për të ndihmuar në shuarjen e flakëve në zonën e Karystos, është rrëzuar.
Në momentin që avioni është afruar për të hedhur ujin, njëri nga krahët e tij ka goditur një pemë, e më pas ka humbur orientimin duke u rrëzuar. Momenti tragjik është parë ‘live’ në disa kanale televizive që ishin në transmetim.
Referuar mediave greke, nuk ka asnjë informacion deri më tani për fatin e dy pilotëve. Në zonë kanë mbërritur forcat zjarrfikëse dhe policore si dhe ekipet e shpëtimit. Nga ana e tij, Shtabi i Përgjithshëm Ajror dërgoi një helikopter ‘Super Puma’ dhe një helikopter ‘AB-205’.
Avioni që u rrëzua është një ‘CL-215’, që i përket Forcave Ajrore dhe kishte një ekuipazh prej dy personash.