![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Ndeshja e fundit në grup e Shqipërisë me Spanjën është parë me interes shumë të madh në Grupin E të Euro 2024, pasi fati i skuadrave atje varej direkt nga ajo që mund të bënin kuqezinjtë. Dhe tashmë ajo që ishte një dyshim i mundshëm, rrezikon të bëhet realitet. Për shkak të mungesës së fitores së Shqipërisë, mund të ketë një akord për një rezultat që kualifikon dy skuadra që përballen në ndeshjen e tretë.
Meqë Shqipëria nuk u ngjit në kuotën e 4 pikëve me një golavarazh që do të ishte të paktën 0 në rast fitoreje ndaj Spanjës, ndeshja mes Rumanisë dhe Sllovakisë vendos skuadrat në fjalë përballë një skenari shumë të çuditshëm. Atyre u mjafton të dalin në barazim që të kualifikohen të dyja, pavarësisht asaj që ndodh në duelin tjetër të grupit mes Belgjikës dhe Ukrainës.
Rumania ka të sigurt të paktën vendin e dytë me barazim dhe Sllovakia ka golavarazhin e mjaftueshëm që të kalojë ndër të tretat më të mira.
Një akord i tillë dikur mori famë me ndeshjen mes Danimarkës dhe Suedisë në Euro 2004 ku mbeti jashtë Italia dhe kthimi i “biskotës” mes dy ekipeve 20 vite më vonë do të njolloste garën e një aktiviteti madhor si ky.
PANORAMASPORT.AL