Një ngjarje e rëndë ka ndodhur gjatë paradites së sotme në Prizren, ku një burrë e një grua janë ekzekutuar me breshëri plumbash.
Viktimë kanë mbetur shtetasit me iniciale D.H dhe S.H, burrë e grua, të cilët janë gjetur pa shenja jetë në banesën e tyre, në lagjen`Ortakoll´, raportojnë mediat fqinje.
Raportohet se, në vendin e ngjarjes kanë arritur policia dhe ekipi nga Instituti I Mjekësisë Ligjore të cilët kanë konstatuar dhe vdekjen e dy shtetasve.
“Sipas dyshimeve të para të Prokurorisë, në trupat e viktimave janë vërejtur plagë të shkaktuara nga arma e zjarrit. Gjatë shiqimit në vendin e ngjarjes, është gjetur një armë e zjarrit – pistoletë, për të cilën dyshohet se mund të jetë arma me të cilën është kryer vepra penale.
Me urdhër të prokurorit trupat e pa jetë të viktimave janë dërguar për obduksion në Institutin e Mjekësisë Ligjore në Prishtinë”, thuhet në njoftimin për media.
Prokuroria Themelore në Prizren, është duke i ndërmarrë të gjitha veprimet hetimore për zbardhjen e plotë të rastit.
