Në Kosovë situata epidemiologjike po tregon sinjale të përkeqësimit, pasi të mërkurën (28 tetor) janë konfirmuar 281 të infektuar me koronavirusin e ri.
Sipas njoftimit të Institutit Kombëtar të Shëndetësisë Publike rezultatet janë në bazë 932 mostrave të testuara. Nga sëmundja COVID-19, që e shkakton koronavirusi i ri kanë vdekur edhe katër persona, shkruan Rel.
Raste aktive aktualisht janë 2 658. Autoritetet shëndetësore kanë konfirmuar si të shëruar edhe 97 pacientë.
Që nga mesi i muajit mars në Kosovë janë infektuar 18.626 persona, prej të cilëve 673 kanë vdekur ndërsa 15 295 janë shëruar.
Shfaq Komentet (0)
