Kryesore

Nesër seanca maratonë, Balla: Do të ndahet në tri pjesë, në fokus programi i qeverisë “Rama 3”

15:10 - 15.09.21 gsh

Kreu i Grupit parlamentar të Partisë Socialiste, Taulant Balla, tha në fund të mbledhjes së Konferencës së Kryetarëve se seanca e nesërme plenare do të jetë e ndarë në tri pjesë.



Sipas Ballës, në fokus të seancës plenare të së enjtes do të jetë prezantimi i programit qeverisës të qeverisë “Rama3”.

“Kemi miratuar me konsensus pikën e rendit të ditës, që lidhet me kohën e debatit, lidhur me miratimin në Kuvend të përbërjes së qeverisë. Nga opozita ka pasur disa propozime, që lidhen me sfazimin e kësaj seance dhe ne kemi rënë dakord që kjo seancë të ndahet në tre pjesë. Pjesa e parë është prezantimi i programit, në fund të kësaj faze merren të gjitha pyetjet dhe më pas hapet debati, në një fazë të tretë, që kulmon me votimin. Votimi është një i vetëm, qoftë për përbërjen e ministrave, qoftë të programit. Çdo deputet do të ketë mundësi të flasë jo më shumë se 10 minuta”, tha mes të tjerash Balla.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.