Gazeta Shqiptare ka siguruar pamje të aksidentit të rëndë, si pasojë e të cilit dyshohet se ka humbur jetën një person këtë të premte në zonën e Devollit, në Korçë.
Burimet më herët bënë me dije se aksidenti ka ndodhur në aksin Korcë – Kapshticë, në afërsi të kthesës së Gosës.
Aksident me vdekje në Devoll, makina humb kontrollin në aksin Korcë-Kapshticë (DETAJE)
Viktimë dyshohet se ka rënë një i ri rreth 28 vjeç, teksa në vendngjarje duken qartë pasojat e përplasjes: automjeti që ka përfunduar në kanal, me xhama të thyer, dhe shenja gjaku në dyer.
Në tokë ndodhet edhe një shishe uji, e cila nuk dihet për çfarë është përdorur.
Më pas, u mësua se drejtuesi i mjetit, Arjan Shtika, rreth 31 vjeç, banues në fshatin Hoçisht, Devoll, duke drejtuar mjetin tip “Hyundai”, dyshohet se ka humbur kontrollin e mjetit dhe ka dalë nga rruga.
Si pasojë e aksidentit ka humbur jetën drejtuesi i mjetit dhe është dëmtuar pasagjeri shtetasi me inicialet A. B., i cili ndodhet në Spitalin e Bilishtit jashtë rrezikut për jetën.
Grupi hetimor po punon për sqarimin e rrethanave dhe përcaktimin e shkaqeve të daljes nga rruga të automjetit.