Stresi i koalicionit/ A po bën sot Edi Rama llogaritë e numrave në Kuvend?

Kjo fotografi është shkrepur sot në Kuvend nga kolegët e LSA-së.

Jo, Rama nuk po bën llogaritë e votave që ka “pro” dhe “kundër” tij. Me një “zoom” të thjeshtë: ai thjesht po vizaton. I duhet për përqëndrim – siç e ka thënë dhe vetë – kur nuk vizaton ai përqëndrohet me vështirësi, kur vizaton dhe nuk e sheh tjetrin në sy atëherë është më shumë se kurrë i vëmendshëm ndaj tjetrit.

Megjithatë, nëse është e vërtetë se 1 foto vlen sa 1 mijë fjalë, duke shpenzuar 30, do thonim se në këtë pamje përmblidhet i gjithë presioni politik para të cilit është vendosur sot kryeministri Rama: Prej PD, LSI, PDIU, Blushit, Kokëdhimës, heshtjes dhe dyzimit të ndërkombëtarëve… dhe afrimit të zgjedhjeve të 18 qershorit.

GSH.al