Sapo përfunduan pjesët e para të ndeshjeve të javës së fundit të Abissnet Superiore. Tirana ka fituar titullin, Partizani dhe Laçi kanë siguruar Europën, ndërsa nga kategoria kanë rënë Dinamo dhe Skënderbeu. Në Play Off është Egnatia.
Kështu, fokusi është te Vllaznia dhe Kukësi, që përballen në distancë për një vend në Europë.
Kuksianët janë shumë afër prerjes së biletës për një vend që të çon në Kupat e Europës, pasi po fiton 0-1 ndaj Tiranës. 45 minutat e para u vulosën nga një gol i Feijao në minutën e 35-të.
Vllaznia po has vështirësi në Kamzë ndaj Kastriotit (0-0). Në takimet e tjera, Laçi-Partizani është 1-2, ku golit të Zylfiut (9’) iu përgjigj Junior (35’) dhe Murataj në fund.
Egnatia po udhëheq 1-0 ndaj Dinamos, ndërsa në Skënderbeu-Teuta s’ka gola.
Rezultatet pas 45 minutash:
EGNATIA 1– 0DINAMO
KASTRIOTI 0–0 VLLAZNIA
TIRANA 0–1 KUKËSI
LAÇI 1–2 PARTIZANI
SKËNDERBEU 0–0 TEUTA
