Interi luan sot ndeshjen e fundit të Serisë A, për t’u përqendruar më as plotësisht te ndeshja me Mançester Sitin në Ligën e Kampioneve. Por për çudinë e të gjithëve, trajneri Simone Inzagi nuk ka menduar për të lënë pushim futbollistët kryesore të ekipit, duke bërë rotacion të pjesshëm.
Bie në sy se nga titullarët e zakonshëm mungon vetëm Barela e Dimarko, ndërsa në sulm është dyshja Lukaku-Lautaro. Inzagi, për të zëvendësuar Barelën, nuk ka zgjedhur Asllanin siç mendohej, por ka aktivizuar Galjardinin.
TORINO-INTER 0-1
38′ Brozoviç
NGJARJET KRYESORE
90’+4’ Ndeshja mbyllet me fitoren 1-0 të Interit.
90’+1’ Shurs vjedh topin pranë zonës së Interit dhe pason te Sanabria, por ky i fundit gabon kontaktin me sferën duke humbur shansin e artë për të barazuar ndeshjen.
80’ Lukaku nga e djathta pason në qendër për Xhekon i cili gjuan në ecje e sipër, por sfera prek shtyllën dhe përfundon jashtë.
71’ Sanabria vë në vështirësi Kordaz, i aktivizuar në vend të Handanoviç, por reflekset e portierit shpëtojnë zikaltrit nga goli.
67’ Dumfris nga e djathta harkon në zonë, ku Lukaku gjuan me kokë, por çon topin në duart e portierit.
60’ Situata zhvendoset në portën tjetër kur Karamoh i sapofutur në lojë, vë në provë reflekset e Handanoviç.
59’ Pas një goditje dënim të harkuar ën zonë, Galjardini provon me kokë, duke mos gjetur portën e vendasve.
57’ Gjuajtje nga jashtë zonës e Xheko, topi shkon jashtë, jo shumë larg shtyllës së portës së Torinos.
55’ Barela dhe Xheko marrin vendin e Çalhanollu dhe Lautaro, me Inzagin që ka filluar qartësisht të mendojë për finalen.
46′ Nis pjesa e dytë e ndeshjes.
45′ Mbyllet pjesa e parë me avantazhin 1-0 të Interit.
38’ GOOOL INTERI! Brozoviç merr topin në mesfushën kundërshtare dhe lëshon në gjuajtje të fortë nga distanca që mposht Milinkoviç-Saviç.
32’ Shfaqet Lukaku! Sulmuesi hyn në zonë nga e majta dhe gjuan më një diagonale të shpejtë, por me sferën që devijohet jashtë.
22’ Pas një goditje këndi, Dumfris gjuan fort në shtyllën e dytë, por gjen devijimin e Rodriguez.
18’ Vojvoda tenton me një gjuajtje nga jashtë zonës, pa shqetësuar shumë Handanoviç.
1’ Nis dueli në Torino.
