Kreu i grupit parlamentar të PD-së, Gazment Bardhi, gjatë fjalës së tij në Kuvend është përplasur me deputetin e PS-së, Erion Braçe, pas tensioneve në foltore me kryeparlamentaren Lindita Nikolla.
Teksa Braçe i tha që t’i kërkonte falje për mënyrën se si iu drejtua Lindita Nikollës, Bardhi iu drejtua me fjalën “gore”, duke i kërkuar që të mbyllë gojën.
“Kërkoj falje unë kur ka reflektim nga kryetarja e Kuvendit, ka edhe nga ana jonë. Po pra po, a ka mundësi ta mbyllësh gojën ti aty tani, gore, aty na acaron nerva që në mëngjes”, i drejtohet Gazment Bardhi.
Kujtojmë se situata në Kuvend u tensionua, pasi Gazment Bardhi është revoltuar me kryeparlamentaren Lindita Nikolla, pasi kjo e fundit i ka hequr zërin.
Ai është ngritur nga vendi dhe ka bllokuar foltoren. Sakaq, Nikolla e paralajmëroi me masë, se do e përjashtonte nga seanca.