Kryetari i PD-së, Lulzim Basha ka dhënë indicie rreth programit të kësaj force politike, e cila do të publikohet në 1 qershor.
Ai ka zhvilluar takime me grupet e punës për programin e tij, duke theksuar se korrupsioni nuk zhvillohet me rezoluta në fund të mandatit, ndaj dhe fokusi i PD-së do të jetë mbështetja ndaj drejtësisë, transparenca dhe llogaridhënia në qeverisje.
Nuk munguan as thumbimet ndaj Kryeministrit Rama, përsa i përket kalimit të rezolutës në diskutimet e Kuvendit ditën e hënë. Basha e cilëson këtë veprim si tentativë për të kontrolluar drejtësinë.
“Koha kur qeveria nxit dhe mbështet korrupsionin merr fund. Korrupsioni nuk luftohet me rezoluta në fund të mandatit dhe aq më pak duke vështirësuar dhe tentuar të kontrollosh drejtësinë, por me plane të qarta dhe vullnet politik.”, shkruan Basha
Postimi i Lulzim Bashës:
Vijojmë diskutimet me grupet e punës për progamin qeverisës të Partia Demokratike.
Korrupsioni është pengesa më e madhe, për zhvillimin e vendit dhe krijimin e mundësive për të rinjtë, që ata të ndërtojnë jetën e tyre në Shqipëri. Prandaj lufta kundër korrupsionit, mbështetja për drejtësinë, transparencë e llogaridhënie në qeverisje janë në fokus të programit tonë, në mënyrë të detajuar.
Koha kur qeveria nxit dhe mbështet korrupsionin merr fund. Korrupsioni nuk luftohet me rezoluta në fund të mandatit dhe aq më pak duke vështirësuar dhe tentuar të kontrollosh drejtësinë, por me plane të qarta dhe vullnet politik.
