Vetëm pak para fillimit të ndeshjes Shqipëri-Kroaci, kryeministri Edi Rama, ka publikuar një foto të tifozëve kuqezi në qytetin gjerman.
Rama ka shprehur respekt ndaj tyre, duke shkruar se ata po “e luajnë mrekullisht rolin e lojtarit të 12-të të Kombëtares, jo vetëm në shkallët e stadiumeve të Europianit, po edhe në rrugët e Gjermanisë”.
Ndër të tjera kreu i qeverisë thotë se tifozët shqiptarë po lënë “mbresa të shkëlqyera në opinionin publik gjerman e jo vetëm dhe duke i bërë kështu edhe promovimin më të mirë Shqipërisë Turistike”.
Postimi i Ramës:
Respekt e mirënjohje për të gjithë shqiptarët që po e luajnë mrekullisht rolin e lojtarit të 12-të të Kombëtares, jo vetëm në shkallët e stadiumeve të Europianit, po edhe në rrugët e Gjermanisë, duke lënë mbresa të shkëlqyera në opinionin publik gjerman e jo vetëm dhe duke i bërë kështu edhe promovimin më të mirë Shqipërisë Turistike.
