Presidenti i Partisë së Lirisë, Ilir Meta është ndalur tek varrezat e Kurveleshit teksa ka shprehur shokun e tij për braktisjen totale.
Përmes një postimi në Facebook, Meta thotë se “një popull që nuk respekton Dëshmorët ka probleme serioze me dinjitetin e tij dhe Lirinë”.
Ilir Meta bëri gjithashtu një thirrje për kryetarin e bashkisë së Tepelenës, Tërmet Peçi: “Shpresoj që Tërmeti si pasardhës i një familjeje me peshë në Luftën Antifashiste të mos e ketë parë këtë realitet dhe të reagojë menjëherë si Kryetar Bashkie”.
Postimi i Ilir Metës
Rrugës drejt Këndrevicës nuk mund të mos ndaloja te varrezat e Kurveleshit, një prej krahinave më heroike në luftrat kundër pushtuesve e sidomos në atë kundër nazifashistëve.
I shokuar për braktisjen e tyre totale dhe jo të rastësishme.
Këtu ku bari dhe gjembat mbulojnë varret dhe emrat e bijve dhe bijave të paharrueshme që dhanë jetën anembanë Shqipërisë.
Këtu ku kalojnë sot edhe shumë turistë të huaj të cilët edhe vetëm për kuriozitet mund të ndalojnë për të bërë një foto apo pyetur se ç’është ky monument.
Një popull që nuk respekton Dëshmorët ka probleme serioze me dinjitetin e tij dhe Lirinë.
Shpresoj që Tërmeti si pasardhës i një familjeje me peshë në Luftën Antifashiste të mos e ketë parë këtë realitet dhe të reagojë menjëherë si Kryetar Bashkie.
