![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Veç mungesës së mjekëve, spitali i Kukësit vuan mungesën e ujit të pijshëm. Drejtori i spitalit, Ismet Nika thotë se nuk mund të konceptohet një spital pa ujë.
Ai i bën thirrje Bashkisë së qytetit që të ndihmojë në këtë situatë, ndërsa kërkesa është e thjeshtë: Të hapet një pus.
Rreth 3.5 milionë euro janë investuar për ndërtimin e ujësjellësit të ri, por qyteti i Kukësit dhe spitali nuk kanë ujë 24 orë.
Në spitalin rajonal të Kukësit marrin shërbim shëndetësor pacientë, jo vetëm nga Kukësi por edhe nga Hasi e Tropoja.
Po ashtu gjendja jashtë spitalit është e mjerueshme. Drejtori i spitalit Ismet Nika thotë se nëse bashkia nuk rregullon rrugën plot me gropa atëherë ai vetë do kërkojë ndihmë nga donatorë të ndryshëm që kjo situatë të ndryshojë.