Policia italiane ka finalizuar me sukses operacionin antidrogë ndërkombëtarë “Besa 2018”, ku janë arrestuar 25 persona. Ndër to, 20 ishin shqiptarë, 1 kosovar, 2 italianë, 1 nga Maqedonia e Veriut dhe 1 tunizian.
Grupi kriminal I shpërndarë në Itali, Shqipëri, Gjermani e Zvicër kishte nën kontroll tregun e shitjes së drogës në territorin e provincës së Bolzanos.
“Operacioni mori emrin “Besa 2018’ pasi në mars të 2018 u arrestuan 12 trafikantë, 8 shqiptarë e 2 tunizianë , 1 italianë e 1 zviceran kurse u zbulua se të dyshuarit kishin lidhje me njëri tjetrin sipas një kodi zakonor që në Shqipëri quhet besa”, shkruhet më tej në mediat e vendit fqinj.
Droga kryesisht e tipit marijuanë, hashash e kokainë trafikohej nga Shqipëria e kalonte për në Gjermani , në Zvicër e më pas në Itali. Gjatë operacionit u sekuestruan edhe 20 mijë euro.