Farmacia e bashkëshortes së këngëtarit Ylli Baka ra pre e maskave vetëm pak ditë më parë. Pas publikimit të lajmit në fjalë ka ardhur dhe një reagim nga policia.
Sipas njoftimit të uniformave blu, në farmaci u vodhën medikamente me vlerë 2.5 milionë lekë.
Njoftimi i plotë:
Elbasan
Në përgjigje të interesit te disa mediave, lidhur me lajmin për vjedhjen e një farmacie, informojmë se:
Në datë 26.02.2020, në fshatin Papër, Elbasan, gjatë natës është vjedhur një farmaci ku janë marrë medikamente me vlerë rreth 2.5 milion lekë.
Me marrjen e njoftimit, shërbimet e Policisë kanë shkuar në vendngjarje.
Grupi hetimor nën drejtimin e Prokurorisë ka kryer të gjitha veprimet dhe materialet i kanë kaluar Prokurorisë për ndjekje të mëtejshme.
Vijon intensivisht puna për zbardhjen e ngjarjes dhe vënien para drejtësisë të autorëve.