Një aksident i rëndë është regjistruar pak minuta më parë në rrugën ‘5 Maji’ në Tiranë.
Bëhet me dije se dy makina janë përplasur me njëra-tjetrën, ku për pasojë është përmbysur njëra prej tyre. Në mjetin e përmbysur ka qenë babai bashkë me dy fëmijët e tij të mitur, të cilët janë plagosur dhe po dërgohen në spital, jashtë rrezikut për jetë.
Tiranë/Informacion paraprak
Më 01.06.2020, reth orës 14:10, tek kryqëzimi i rrugës “5 Maj”, është përplasur mjeti me drejtues shtetasin E.T., me mjetin me drejtues shtetasin G.D.
Si pasojë e përplasjes është demtuar drejtuesi i mjetit shtetasi G.D., dhe dy fëmijët e tij të mitur 10 dhe 5 vjeç, të cilët ndodhen në spital, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.