Një lajm i bujshëm po qarkullon sot në mediat italiane sa i përket objektivave të Milanit në merkato. Sipas “Sky Sport”, gjatë javës pritet një takim mes administratorit të kuqezinjve dhe Ralf Rangnik, ku me shumë gjasa veç të tjerash do të diskutohet edhe për futbollistët që pritet të afrohen të Milani sezonin e ardhshëm.
Ndërkaq, së fundmi janë publikuar edhe 3 futbollistët e piketuar nga drejtuesit, ku mes tyre bën pjesë edhe shqiptari i Kosovës, Milot Rashica. Pritet që kuqezinjtë të shpenzojnë 16 milionë euro për shërbimet e 25-vjeçarit. Ai pëlqehet edhe nga Rangnik. Ndërkohë 2 profilet e tjera të studiuara nga drejtuesit kuqezinj janë Upamekano dhe Patrik Shik. Të dy këta futbollistë janë pjesë e Lajpcig dhe pritet që me shumë gjasa t’i bashkohen klubit italian.