Rrethuar me foto të maleve që e qarkojnë plot hijeshi, në brendësi tëMuzeut ne levizje pulson jeta e kryeqytetit, rikrijuar përmes etapave kryesore të historisë së tij. Në zemër të kësaj kujtese të shpalosur spikat gjurma dhe simbolika e “Sheshit Skënderbej”, i cili ka qenë dhe mbetet, qysh në zanafillë të tij, simboli i shdërrimeve të forta shoqërore e politike të kombit shqiptar dhe refleks i përsosur i diversitetit historik e kulturor.
Janë të shumta rrugët, sheshet, ndërtesat e dokumentat që rikthehen në vëmendje përmes imazheve fotografike duke dëshmuar momentet më të forta të historisë së qytetit, por edhe të dinamikave të shndërrimit të tij të përhershëm që e karakterizon qysh në zanafillë: nga ballkoni i Bibliotekës së Vjetër Kombëtare ku u ngrit flamuri i pavarësisë së tij prej përfaqësuesve të familjeve më në zë të Tiranës, ecet drejt vendimevetë Kongresit të Lushnjes që e shpalli Kryeqytet, shkohet tek kremtimet e para të kryeqytetit të ri të shqiptarëve, zhvillimete shtetit modern dhe monarkisë shqiptare, vijohet me dëshmitë e çasteve të rënda të pushtimit nazi-fashist, por edhe me rezistencën e shkëlqyer e betejën e çlirimit të saj.
Një pjesë e vogël e traditës së Tiranës është vendosur në pjesën e jashtme të muzeut, me veshjet etnografike, sofrën tiranase dhe bujarinë e mikpritjen e pakushtëzuar që Tirana di t’ia dhurojë kujtdo. Maratona e ketij muzeu ne levizje, krejt I vecante dhe unik u mireprit ne Prishtine dhe Presheve, pas suksesit ne tre qytete te tjera si Prizreni, Gjakova dhe Peja.