NATO ka dhuruar 60 ventilatorë për të ndihmuar Shqipërinë për trajtimin e pacientëve me Covid-19, në dy spitalet COVID. Ambasada amerikane ka reaguar pas dhuratës së NATO-s me anë një postim në “Facebook”, ku tregon se dorëzimi i aspiratorëve të prodhuar në Amerikë tregon përkushtimin e SHBA-ve përballë sfidave globale.
“ | Aleatët e NATO-s qëndrojnë të bashkuar në luftën kundër COVID-19. Dorëzimi i sotëm në Shqipëri i 60 respiratorëve të prodhuar në Amerikë nga stoku i Aleancës tregon përkushtimin e Shteteve të Bashkuara ndaj lidhjes sonë transatlantike dhe bashkimin e vërtetë të NATO-s përballë sfidave globale”, shkruan ambasada amerikane.
Donacioni u koordinua nga Qendra Euro-Atlantike e Koordinimit të Reagimit të Fatkeqësive të NATO-s (EADRCC). Më vonë gjatë kësaj jave, ventilatorët do t’i dorëzohen Ministrisë së Shëndetësisë shqiptare për shpërndarje në spitale.