Bota

Gjermani, Altmaier: Kufizimet antiCOVID-19 mund të shtrihen deri në pranverë

16:52 - 29.11.20 gsh

Masat kufizuese që parashikojnë të luftojnë koronavirusin mendohet të zgjaten deri në pranverë në Gjermani, theksoi dje në një intervistë ministri i Ekonomisë.



“Ne kemi përpara tre apo katër muaj të gjatë dimri”, theksoi Peter Altmaier për të përditshmen “Die Welt”.

“Shumë do të varet nga mbërritja e një vaksine”, theksoi ai.

“Por është e mundur që kufizimet të vazhdojnë e në muajt e parë të 2021”, shtoi ai.

Gjermania, e cila i ka rezistuar pandemisë më mirë sesa shumë vende fqinje, por aktualisht po lufton të përmbajë valën e dytë të COVID-19, vendosi të mërkurën të ashpërsojë masat e saj për të luftuar virusin.

Objektivi është reduktimi akoma më shumë i mundësive të kontakteve deri në fillim të janarit, duke kufizuar në pesë numrin e pjesëmarrësve në bashkimet familjare, me përjashtime për festat e fundvitit.

Para deputetëve, kancelarja Angela Merkel e kishte justifikuar këtë masë të re nga niveli ende “shumë i lartë” iinfektimeve me COVID-19, ndërkohë që ato po uleshim me shpejtësi në disa vende fqinje.

Franca, e nënshtruar në nëntor në një frenim më të ashpër se Gjermania, është një nga vendet ku rastet e përditshme kanë rënë ndjeshëm. Vendi vendosi të lehtësojë gradualisht kufizimet e tij.//ATSH

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.