Pas ngjarjes së rëndë, ku 60 vjeçari nga Laçi i infektuar me Covid 19, i ka dhënë fund jetës këtë të hënë duke u vetëhedhur nga kati i dytë i spitalit ‘’Shefqet Ndroqi’’, ka ardhur një reagim dhe nga stafi i spitali Covid-2.
Në një reagim zyrtar spitali shpreh ngushëllimet për 60-vjeçarin Leonard Shabani, ndërkohë që shtojnë se ai ishte shtruar pasditen e datës 28 nëntor në spitali, ku është trajtuar me terapinë e plotë të mjekimit në pavionin e urgjencës. Ndërsa më datë 29 pacienti është transferuar në pavionin e katit të parë (mbi katin përdhes) ku edhe ka kryer aktin e rëndë.
Reagimi i spitalit:
Stafi i spitalit universitar “Shefqet Ndroqi” shpreh dhimbjen për humbjen e jetës së 60-vjeçarit me inicialet L.Sh., nga Kurbini i cili i dha fund jetës mbrëmë pas mesnate, dhe i shpreh ngushëllimet më të sinqerta familjes së tij.
60 vjeçari i konfirmuar me COVID-19, ishte shtruar pasditen e datës 28 nëntor në spitalin “Shefqet Ndroqi”, ku iu kryen ekzaminimet imazherike dhe u trajtua me terapinë e plotë të mjekimit në pavionin e urgjencës.
Më datë 29 pacienti është transferuar në pavionin e katit të parë (mbi katin përdhes) ku edhe ka kryer aktin e rëndë. Lidhur me arsyet që e çuan 60-vjeçarin drejt këtij akti ekstrem, është duke u kryer hetimi nga ana e organeve kompetente.
Stafi i spitalit universitar “Shefqet Ndroqi” ka siguruar shërbimin e psikologut dhe ka shtuar masat e sigurisë.
Stafi mjekësor është në gatishmëri të plotë dhe i sigurojmë qytetarët se po punojmë dhe do të vazhdojmë të punojmë me përkushtim dhe profesionalizëm për çdo pacient që trajtohen në spitalin tonë.
