Presidenti Ilir Meta ka përkujtuar përvjetorin e lindjes së babait të ish-kryeministrit të Kosovës, Ramush Haradinaj, Hilmi Haradinaj.
Me anë të një postimi në Facebook, Meta thotë se e nderon me respekt këtë baba trim dhe një fisnik i heronjve dhe komandantëve të familjes Haradinaj, për veprimtarinë patriotike për çështjen kombëtare dhe një Kosovë të pavarur.
“Sot në përvjetorin e lindjes, përkujtojmë me nderim dhe respektin më të thellë babain trim dhe fisnik të heronjëve dhe komandantëve të familjes Haradinaj, Bacën Hilmi, veprimtarin dhe patriotin e palodhur, që aq shumë dha për çështjen kombëtare, Kosovën e lirë dhe të pavarur”, shkruan Kreu i Shtetit.
Hilmi Haradinaj u nda nga jeta tre vite më parë. Ai së bashku me djemtë e tij: Ramushin, Luanin, Shkelzenin, Dautin dhe Enverin, kishin qenë të angazhuar në lirimin e Kosovës, nga regjimi serb.