Ish-deputeti demokrat Klevis Balliu shprehet se protesta kombëtare e 11 shkurtit “nuk është data e një proteste, por është fillimi i një vale protestash që ndalojnë vetëm kur të largohet kryeministri Edi Rama”.
Balliu për ‘Panorama Tv’ theksoi se PD do i dalë për zot protestës dhe lufta kundër Ramës nuk është politike por patriotike, pasi ky i fundit është thyer për shqiptarët në një kriminel dhe bandit.
“Nuk ikën Rama duke i thënë ik, por duke e larguar atë. Teza e qeverisë që me protesta nuk zgjidhet gjë është shumë e gabuar, bëj thirrje çdo qytetari mos e pranoni tezën qe qeverisë që nuk e mundni dot politikën, por politika iu mund ju. Sovrani jeni ju. Ne do i dalim për zot çdo qytetari që vjen në atë shesh dhe së bashku Shqipërisë. Lufta kundër Ramës është patriotike dhe jo politike. Ky njeri është armiku kryesor i sukseseve të Shqipërisë, ky është kërcënim kombëtar, nuk është politikan por kriminel, nuk është kryeministër pot është bandit, këto nuk janë fjalë të rënda e gjuhë agresive, por gjuhë faktesh. Sot protesta është detyrë kombëtare. Ka pasur protesta shumë të mëdha që mund të kishin qenë të suksesshme për të realizuar largimin e Ramës, por ndodhi një dramë kombëtare, opozita u shit, nuk ishte gabim aksioni, aksioni u shit, sot kemi një lidership që nuk shitet as me biznese e vila e nuk e merr dot njeri peng Sali Berishën. Me zgjedhje vijmë në pushtet por regjimi duhet të rrëzohet Falë këtyre protestave do vijë largimi i Ramës, që do sjellë zgjedhje të vërteta në Shqipëri. Në zgjedhje do marrim pjesë e do fitojmë e do heqim dhe këtë njëkohësisht. Ta harrojë ai që ne nuk marrim pjesë në zgjedhje”, tha ai.
