![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Donald Trump nuk tërhiqet nga vendimi tij. Sikundër kishte thënë edhe gjatë fushatës, pas marrjes së mandatit, ai do të ndalonte hyrjen e emigrantëve mysliman në SHBA. Gjatë ditës së sotme, pritet të firmoset urdhrin e ri ekzekutiv që ndalon udhëtimin drejt SHBA-ve, nga disa vende me shumicë myslimane, citohet të ketë thënë një burim i lartë i Shtëpisë së Bardhë, për “Reuters”. Megjithatë ky ligj do të ketë një ndryshim të vogël. Në urdhrin e ri, pritet të ketë një zëvendësim krahasuar me versionin e parë që është bllokuar nga gjyqtarët federale.
Pritet që të përjashtohet Iraku nga vendet e listës së zezë, ndërsa do vazhdohet t’i bllokohet hyrja për në SHBA qytetarëve nga Somalia, Sudani, Siria, Irani, Libia dhe Jemeni. Ai gjithashtu do të qartësojë statusin e njerëzve nga këto vende që kanë marrë tashmë kartën e gjelbër, të SHBA, duke specifikuar se, ata nuk janë prekur. Një zyrtar i lartë i tha agjencisë së lajmeve Reuters, se urdhri i ri do ketë një kohëzgjatje 90-ditore. Urdhri i parë, që përfshinte ndalimin e udhëtimit drejt SHBA-ve edhe të qytetarëve nga Iraku u dënua gjerësisht.