![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Në emisionin e sotëm “Të Paekspozuarit” te gazetarit Ylli Rakipi në “News 24” u trajtua tema “Vrasja e Durrahut”.
Të ftuarit në studio në këtë debat televiziv janë kryebashkiaku i Durrësit Vangjush Dako, arkeologu Neritan Ceka, analistët Fatos Lubonja dhe Andi Bushati.
Mirela Jargo, avokatja e shoqërise civile gjatë një lidhje me emisionin ka akuzuar kreun e bashkisë së Durrësit Vangjush Dako, se po shkel ligjin, ndërsa shpreh se punimet janë pezulluar pas kërkesës se depozituar nga shoqëria civile, por Dako tha se kjo nuk është e vërtetë, pasi punimet janë pezulluar nga vetë bashkia.
DEBATI
Zonja Jorgo kë keni hedhur në gjyq?
Mirela Jorgo: Ne kemi 2 muaj që luftojmë për projektin ‘Veliera’ dhe shkeljet që janë bërë aty. Kallëzimi i parë është bërë në 20 janar dhe më as kemi bërë kallëzimin e dytë.
Kë keni paditur?
Mirela Jorgo: Ne kemi paditur bashkinë e Durrësit sepse po shkel ligjin me ndërtimin e sheshit ‘Velieria’. Prokuroria vendosi të nisë hetimet. Pas kërkesës për masë pezullimi janë pezulluar punimet.
Çfarë mendoni ju zoti Dako dhe çfarë i thoni avokates?
Vangjush Dako: Ajo ka të drejtën e saj të bëje çfarë të dojë kur mendon se ne jemi duke realizuar një shkelje. Por të gjitha fjalët e atij insertit që ju transmetuat unë nuk jam dakord sepse nuk është e vërtetë. Vendimin për pezullimin e punimeve e kemi marrë më 3 shkurt, kur ne ishim duke gërmuar, arkeologët kanë konstatuar gjurmë dhe kanë nisur gërmimet arkeologjike. Shiriti skenë krimi është vendosur nga Shoqëria Civile.
Pra ju pezulluat vetë punimet, por kush e ka për detyrë ta bëjë këtë punë?
Vangjush Dako: Kemi një marrëveshje më ministrinë dhe me instatancat e tjera përkatëse.